اتحققت..

عحيفا وديني ومن ميتها اسقيني وبين كرومها خبيني..
عالكرمل بدي اطلع.. اتنفس الحياة! بنفس طويل .. طويل كتير واااه شو مرّت سنين!
طيب من فوق الكرمل بتبين فلسطين؟ شجرها وبحرها والي فيها من سنين؟
وناسها الطيبين كيف شكلهم مجتمعين؟
رح نتصور سلفي .. اكبر سلفي لحتى توسع الملايين :’)
بدنا نصلي الجمعة بالاقصى وحوليه منتشرين..
رح يصدح صوت الاذان بالعالي.. وهالمرة مافي حدود بتوقفه.. مافي حواجز تحبسه.. رح نسمعه صوت وصدى مو بس صدى من تحت الزنزانة..
دموع الحزن يا امي اتبدلت والفرح عنوانها..
سقيتي الارض بدم ولادك وحسرتك واليوم زهرت .. الجوامع كبرت.. الطيور غردت.. خلص انتهت!
مافي حزن..مافي الم ودموع
كل الحكاية اتكللت بالنصر واتجمعت القلوب
كل الي فتحوا قلوبهم النا وفرشوا الارض ورود.. اليوم انتو السعادة والدفا.. نفرح سوا..
الارض اتوحدت .. والزيتون انعصر
ريحته رجعتنا سنين..
غدانا مسخن اصيل بزيت الزيتون الي اتألم وبالارض ثبت واتحمل
سهرتنا عالبحر وقصص عشناها
ناس شفناها بالحلم وهلا اعرفناها
طلع الصبح.. مش اي صبح.. يا محلى الصبح ببلادنا..
شوارع القدس وعمان واشجارهم ..
الجامعة الاردنية وحدائق حيفا وانوارهم ..
وكلنا.. كلنا مع بعض بصورة “اتحققت” :’)

عن دانية ابداح

شاهد أيضاً

ريشة | مُجتمع الأدب العربيّ

تنهيدة

( 1 ) ماذا أفعل ياالله بابتسامة باهتة كهذه التي في قلبي دائماً, أحملها أينما …

ريشة | مُجتمع الأدب العربيّ

‫حملة تطعيم‬

صحوت كعادتي متأخراً خرجت مستعجلاً لم اكن مفطراً أُلاطِشُ بعضاً من الأوراق فلدي امتحان اصابني …

شاركنا تعليقك =)